Добра зделка? Intel Optane SSD P1600X (NVME, 118GB) Newegg - 60$

[Metuzalem]

Полното име му е Intel Optane SSD P1600X SSDPEK1A118GA01 M.2 2280 118GB PCIe 3.0 x4, NVMe 3D XPoint Enterprise Solid State Disk. Цената во моментов со попуст му е 59,99 долари.

Е сега, што е толку добро кај овој диск?

• Тоа што е Enterprise grade - огромна издржливост (TBW, не се сеќавам на бројката но далеку надминува кој било consumer SSD/NVME што може да се најде на пазарот).
• Intel Optane серијата е добро позната одамна, а овој е еден од последните од неа (пуштен на пазарот во Q2'21), значи најнов.
• Интел ја уби Optane серијата во јули 2022, значи веќе нема да има вакви дискови, ова е распродавање на залихи (но сепак се нови неотворени); а од други производители тешко да има ваква серија по разумни цени најмалку во следниве неколку години - производителите сега се тркаат по капацитет и набутување битови (QLC...). Овој е SLC или еквивалентно на тоа (подобро). Нема DRAM Cache, но не му ни треба - целиот диск е DRAM Cache.
• Дисков има страотно добри перформанси при запис/читање на мали фајлови (QD1) што е 99% од работата на оперативен систем (барем за Windows-ите сум сигурен). Wendell од Level1Techs мереше, подигање на Windows од Optane (можеби не беше овој, но на хартија ништо подобар) наспрема најбрз/најнов Gen4 (мислам Samsung 990 Pro) беше многу пати побрзо (сега не можам да најдам, но од сеќавање беше 5 секунди наспрема 50 сосе Windows Updates - тоа беа клонирани дискови, значи скроз исти).
• Не му треба Overprovisioning, а можеби ни Trim (за ова второво не сум сигурен). Не се успорува кога ќе се наполни или при долг запис.
• На M.2 конектор е, па може директно да се брцне во „обична“ матична и да се користи како обично NVME, за разлика од повеќето Optane-овци кои се со U.2 конектор и во најмала рака им требаат адаптери и/или драјвери.
• Цената до пред оваа Нова година секогаш му била висока, секогаш над 100 долари, па ова е голем попуст.

Можни компликации за нас (и негативни страни):

• Newegg испорачува само во USA, па испораката треба да се врши преку шпедитер. Јас одев преку Шипито и ме чинеше околу 25 долари вкупно (за нарачка со 2 комада внатре) со ограничен тракинг (уште не е излезена од САД, па не знам дали ќе има понатаму тракинг; следната поскапа пошта беше 30 и нешто долари, веројатно со полн тракинг, а понатаму беа брзи пошти над 70 долари).
• И самата цена на дискот од 60 долари не е нешто поволна ако се занемари enterprise моментот, односно за тие пари со паѓањето на цените веќе може да се најде и диск со голем капацитет, но овој е за мераклии...
• Релативно малиот капацитет за денешно време, односно собира оперативен систем и уште малку нешто инсталации, но тоа е поентата - да се забрза таму каде што е најкритично, а програмите/игрите може да се инсталираат и на друго место.
• Поврзано со тоа, диск со мал капацитет зафаќа еден NVME слот, па можеби ќе има ограничено место за уште исти такви или други дискови.
• Релативно малата секвенцијална брзина, но повторувам, тоа не му е намената на овој диск, а и така мал диск брзо ќе се пополни, па што ни прават разлика неколку секунди.

Инаку, погоден е за RAID поради издржливоста, не знам дали има кондензатори за довршување на записот при снемување струја како кај повеќето enterprise дискови, но сигурно е повеќе доверлив од повеќето други NVME-а (Интел вика дека има). Но со RAID не се добива нешто многу на брзина, а и на капацитет, па не знам колку би било корисно тоа. Може да се комбинира на пример со Primo Cache и солидно да забрза дури и обичен хард диск. ZFS-џии и други линуксаши го користат за кеширање и за лог фајлови, тоа и му е основната намена - голем број на записи (непрестано), а мали ситни.

Јас си нарачав 2 + 2 комада (и пред недела и нешто имаше попуст по истава цена, лупнав два и после се каев што не земав повеќе, па секој ден проверував... Цената осцилираше (и на Амазон, но таму секогаш беше повисока), пуштаат малку по малку додека не ги потрошат, порано беше лимит три од купувач, сега се четири).

И пазете, има други модели на Optane што се „лажњаци“, односно хибридни - делот со Optane е 32 GB, а 500 или 1000 GB од него се „обичен“ SSD. Вистинските Optane-овци од 1 тера почнуваат од 300 долари нагоре.

View: https://www.youtube.com/watch?v=tSUMBeaaiOo

 

[gokica]

Се фино, само капацитетот да беше поголем. Ќе зафаќа слот чисто само за ОС.