BLON BL-03 слушалки — Тхе хајп ис нот реал

Барем за мене

Ова е наверојатно најхајпуваната буџет слушалка во 2019. Толку многу рецензии во последно време, муабети по форуми, итн. Едноставно морав да ја купам и да видиме што е работата.

Да почнеме со кутијата:



OPPOTY
DRIAMS

Маркетинг пораката на BLON изгледа како рандом кинески зборови преведени со Google Translate. Сепак тоа DRIAMS изгледа е мал рачен придонес

XtremPro X1 USB DAC + BLON BL-03 + MH1C eartips со 16-core Yinyoo кабел​

Очекував подигнати бас фрекфенции, меѓутоа ова е малку повеќе од она што ми се допаѓа. Неколку пати ја преслушав музиката што ја користам за споредба помеѓу слушалки. Басот и средниот бас за мене лично, го уништува искуството во песните. Како невидлив слон што тапка цело време. Стримав мастери од Тидал, така да изворот е прилично добар.



Со еквилајзер звучат подобро, кога ќе се испеглаат тие ниски фрекфенции и мал врв околу 7500 Hz, но сепак не толку добро како други буџет слушалки што сум ги пробал. MoonDrop Crescent беше хајпот на почетокот на 2019 и е подобра слушалка за мене out of box, дури и после EQ на BLON. За жал, не ги произведуваат веќе.

BLON BL-03 и не се толку евтини зошто треба да ги модифицирате. Треба да се смени кабелот, бидејќи фабричкиот е лош и нови подолги типсови. Цената тогаш достигнува околу 50 долари. За тие пари не би ги препорачал.

Ова подсумување повлекува една нова тема за сите буџет аудиофили тука, која можеби треба подлабоко да се разработи, а тоа е:

1. Евтино DAC/појачало за слушалки - драстично ги менува работите.
2. Parametric EQ

Под број 1, најевтино нешто што најдов и можам да препорачам е XtremPro X1 USB DAC купен за 35 евра од Амазон (рецензија тука, брендот е различен, инаку ист продукт).

За parametric EQ на Windows немам појма, од проста причина што Windows немам користено повеќе од 10 години. Можеби некој што користи ЕQ на Windows би можел да склопи краток туторијал. Со еквилајзер, Sony MH755 звучат уште подобро

Тоа е на кратко. Малку сум разочаран од она што вреднува аудио заедницата и каде оди мејнстрим звукот што им се допаѓа на младите буџет аудиофили. Можеби се работи за лични убедувања за тоа како треба да звучи слушалка, можеби е мојата музика. Како и да е, дури ни Daft Punk - Get Lucky не звучи добро во моите уши на BLON BL-03 без еквилајзер.

Stay tuned, потрагата по добри слушалки продолжува

 

Овој модел со 3,5мм конекција го чекам и јас. Би требало да го објават до крајот на годинава.

Формата е битна и не би купил нешто големо како Walnut V2 за во движење.

 

Треба одделна тема за буџет аудио, така изгледа.

Audio Science Review прави одлични рецензии на појачала, би почекал на нивно мислење.

 

Нема такво нешто како добра слушалка. Сите имаме различен слух во зависност од годините, оштетување од забави итн. Реагираме различно на фрекфенции.

Со еквилајзер слушалката може да звучи многу подобро ако ја подесиш блиску до Харман таргет, како во случајот со BLON BL-03. Можеш да ја персонализираш за свои потреби како сакаш, кога ќе сфатиш кој звук го преферираш.

Не секогаш се пеглаат тие пикови, така да подобро е да ги нема премногу. Досега не сум сретнал слушалка на која не ѝ треба еквилајзер.

 

Овие подесувања ги користам за BLON BL-03 и звучат далеку попријатно. Басот не е толку доминантен и отвара простор за повисоките фрекфенции да дојдат до израз појасно.

 

Со еквилајзер ти си експертот, и имаш поле на маневар. Тоа е убавината.

Тие промени се софтверски, но можат да бидат и хардверски како во случајот со JVC каде врз основа на модификации на еден корисник од форум, направија комплетно нов подобар продукт кој моментално е хит.

Ако имаш можност за подобри слушалки со неколку клика мислам дека треба да ја искористиш.

Аналогијата со ресторанот ти е погрешна, освен ако си експерт готвач. Јас не сум експерт готвач, ама ја делам истата пасија и за готвење. Процесот со слушалки и готвење за мене е до некаде сличен. Ако ми се допадне јадење во ресторан ќе пробам да го репродуцирам дома и да му дадам мој шмек (тјунинг).