AMD Zen3 - ми мириса на одличен гејминг процесор...

Согласно шпекулациите во нареднава пола година треба да излезат процесори со Zen 3 архитектура, поточно Ryzen 4000 процесори за десктоп.

Овој пат наместо да имаме Zen2+ AMD се одлучи да ја крсти подобрената Zen2 архитектура како Zen 3. Претпоставувам дека со ова AMD сака да ги избегне понатамошни забуни околу моделите и името на архитектурата како што беше тоа случај со Zen+ и Ryzen 2000. Но можеби и Zen 3 има доволно подобрувања во однос на Zen 2 за да носи името на нова архитектура.

Како и да е, од она што се шпекулира главно подобрување ќе биде тоа што CCX-овите повеќе нема да се составени од 4 јадра туку ќе имаме CCX од 8 јадра со заеднички L3 кеш кои директно ќе комуницираат со што ќе се намалат латенциите во комуникацијата. Ова треба да придонесе за подобрување на перформансите и најмногу ќе има импакт во игрите и софтверите кои бараат ниска латенција. Но поголема придобивка ќе биде тоа што сега L3 кешот иако ќе биде со ист вкупен капацитет (32GB по чиплет) на јадрата на располагање ќе им биде двојно поглем капацитет(кај зен на располагање се максимум 16MB L3). Ова ќе биде значителна придобивка за игрите. Ако се сеќава некој какви беа придобивките кај Broadwell во однос на Haswell десктоп процесорите и тоа се благодарение на L4 кешот од 64MB кој практично го маскира недостатокот на мемориски проток и мемориската латенција. Сличен ефект, во малку помала мера, ќе има и големиот 32MB L3 кој ќе го имаат јадрата во еден чиплет на Zen3.



Како бонус на тоа што јадрата во еден чиплет нема да се поделени два CCX-и туку ќе се на еден CCX ќе има намалена потрошувачка и греење бидејќи се прескокнува еден добар дел од логиката во комуникација, а тоа е протоколот Infinity Fabric.

Дополнително со ова ќе се ослобдат линкови, односно потенцијално ќе се дуплира протокот меѓу чиплетите затооа што наместо два линка потребен ќе биде еден. Значи ќе може да се дуплира бројот на јадра кај серверските/воркстејшн процесорите или пак ќе може да се дуплира протокот за ист број на јадра како сега. Реално со моменталниот производствен процес и 64 јадра се многу, па така очекувам да видиме чипови со двојно повеќе бендвит што ќе игра улога кај воркстејшн процесорите како ThreadRipper.

Покрај ова како главна надградба на макро-архитектурата на Zen 2 очекувам да има и минимални подобрувања во микро-архитектурата. Можеби некоја инструкција плус или оптимизација на пајплајнот.

Се шпекулира дека 7nm+ ќе донесе и повисоки фрекфенции, т.е. во просек за 200MHz повеќе во однос на Zen 2. Ова во комбинација со придобивките во перформанси од соединувањето на два CCX-а во еден треба да донесе осетна разлика во перформанси. Поточно согласно шпекулациите, IPC ќе биде повисок за 8% што значи Zen 3 процесорите ќе бидат за околу 15% побрзи од Zen 2.

Тоа треба да им овозможи на AMD да бидат компетитивни со Ice Lake, т.е. наследникот на Sky Lake архитектурата на Intel која треба да донесе IPC повисок за 18%.

Што мислите вие за Zen 3 и кои се вашите очекувања од надградбите кои ќе ги има во однос на Zen 2 како и во перформансите?

 

128 јадра на еден процесор практично сум сигурен дека нема да видиме. Ќе бараат премногу простор кој мислам дека реално го нема на LGA SP3r2 сокетот, а дури и да го има ќе ослободуваат премногу топлина со сегашниот, надграден, 7nm+ производствен процес на TSMC.

Но затоа се отвара можност да извадат сервери со 4 EPYC процесри наместо со 2, па така наместо 128 јадра колку што сега можат вкупно, да имаме сервери со 256 јадра.

 

Малу поќе да не е? да не е миљон и пецто иљади?

 

AMD Ryzen 4000 Zen 3 CPUs & X670 Reportedly Arriving in Q4 2020

Шпекулација дека на крај на 2020 година ќе излезат Ryzen 4000 процесорите. Според други шпекулации тогаш ќе бидат излезени и новите Intel-ови процесори со Sunny Cove процесори за декстоп. 2021 ќе биде интересна година.