432hz или 440hz

[Audiofil]

Бидејки не најдов ваква тема па решив да ја отворам за да слушнам ваши мислења.Бројни натписи и докази има на интернет има дека пред повеќе од 100 години музиката на Моцарт,Бетовен,Бах,Верди била свирена на инструменти кои како репер биле штимувани на 432hz за некаде 30 те години да се промени во 440hz за во средина на 50 те да се официјализира во целиот свет.Јас преслушував неколку нумери во двете фреквенции слушајки прво на 440hz како што се снимени па потоа преку Audacity софтверот ги претварав во 432hz и да ви кажам искрено на 432 звучат поприродно,потопло,помалку дисторзија и не замараат при подолго слушање нешто слично како звук од винил во споредба со звук од цд и решив постепено цела музика да ја конвертирам на фреквенцијата од 432hz.Еве пример како звучи гитара на двете фреквенции:

View: https://www.youtube.com/watch?v=Rt3EAPDn-Ug

View: https://www.youtube.com/watch?v=xkYYTcaTYqE

View: https://www.youtube.com/watch?v=8yWgsyp8DMc

View: https://www.youtube.com/watch?v=w7ggksHzhQM

 

[sas_klar]

Интересна тема исто колку за информација би додал дека во Америка ја имат задржано и унифицирано фрекфенцијата како за Амерички пазар А = 440 , фрефенкција на штимање на тонот "A", во Европа и пошироко тоа веќе се прави на А = 442, а додека во Германија професионалните оркестри во пракса се штимаат на А = 444

 

[Vladimir Filevski]

Бидејки не најдов ваква тема па решив да ја отворам за да слушнам ваши мислења.Бројни натписи и докази има на интернет има дека пред повеќе од 100 години музиката на Моцарт,Бетовен,Бах,Верди била свирена на инструменти кои како репер биле штимувани на 432hz

Се разбира, ова не е точно, како и бројни други теории на заговор и слични глупости што го загадуваат интернетот. Вистинските докази се во научните и стручните книги, на пример во The History of Musical Pitch:
The History of Musical Pitch
Во оваа книга се наведени измерените фреквенции на звучните виљушки (за штимање) од тоа време - ниту една не е 432 Hz!

преку Audacity софтверот ги претварав во 432hz и да ви кажам искрено на 432 звучат поприродно,потопло,помалку дисторзија и не замараат при подолго слушање нешто слично како звук од винил во споредба со звук од цд и решив постепено цела музика да ја конвертирам на фреквенцијата од 432hz.

Од една страна - џабе си го губел времето со конверзијата, бидејќи сигурно не звучат поприродно, но од друга страна - ако тоа те прави среќен, супер!

 

[TheMarshal]

Прво помислив дека е некоја тема за гејминг. Викам аман бе, кога стигнавме до тој refresh rate.

 

[acekorg]

Интересна тема исто колку за информација би додал дека во Америка ја имат задржано и унифицирано фрекфенцијата како за Амерички пазар А = 440 , фрефенкција на штимање на тонот "A", во Европа и пошироко тоа веќе се прави на А = 442, а додека во Германија професионалните оркестри во пракса се штимаат на А = 444

Прв пат слушам за ова и за Америка и за професионални оркестри... имаш некоја референца за информацијава?

Пошто прилично сигурен сум дека и американска и европска музика по Youtube, Spotify, CDња е свирена со A=440hz.
Исто и со снимки од симфониски оркестри е стандарден штим.

Порано старите клавијатури и немаа секогаш опција за микротјунинг туку по default беа 440hz пошто тоа е стандард у Америка за Роланд, Дејв Смит, тоа е стандард у европа за Норд, Корг, тоа е стандард у Јапонија за Јамаха, Корг итн...

Затоа и те прашувам за референца на информацијата, пошто сомнителна ми е... повеќе ми изгледа дека збориш за некои експериментални исклучоци...

Ова сега у последно време се актуелизираше доста со 432hz и повеќе го среќавам у медитациска музика (и Jacob Collier кога забегува со џезот)

 

[krema]

Едно е штимање а друго е да конверзираш целосна снимка, едно со друго си нема допирна точка.
Премногу замарање за неколку херци плус или минус, каков е мастерот на снимката - таков ќе биде и најдобар за репродукција, секоја конверзија ќе ја масакрира самата снимка.

 

[acekorg]

Едно е штимање а друго е да конверзираш целосна снимка, едно со друго си нема допирна точка

Ако ти конвертираш снимка во 432hz тјунинг... за еден бенд да може да свири над твојата снимка треба да го смени штимот на инструментите....гитара/бас гитара да се наштима на соодветни фреквенции калкулирани од А=432hz. Клавијатури имаат таква опција у Global settings.
Јас ова го гледам како допирна точка...

 

[Audiofil]

Ако ти конвертираш снимка во 432hz тјунинг... за еден бенд да може да свири над твојата снимка треба да го смени штимот на инструментите....гитара/бас гитара да се наштима на соодветни фреквенции калкулирани од А=432hz. Клавијатури имаат таква опција у Global settings.
Јас ова го гледам како допирна точка...

Еве пример како звучат двете фреквенции на клавијатура:

View: https://www.youtube.com/watch?v=WW1eFShg92g

 

[InSides]

Мене многу ме интересира темата.

Би ценел да споделиш детали како ја вршиш конверзијата на материјалите и колку време ти е потребно?

Морам да кажам дека разликата е незначителна за моите уши, но веројатно слушам во инфериорни услови во моментов, па би сакал да им дадам вистинска шанса на оваквите експерименти.

Особено ме интригира првиот пост каде се споредува оваквата конверзија со разликата помеѓу винил и CD. Потенцијалот за обична конверзија која анулира инфериорен мастеринг е неограничен!

 

[krema]

за еден бенд да може да свири над твојата снимка

Ова е сосема друга ситуацција, но сепак инструментите може да се прештимат, е сега ако правиме муабет за живи свирки со свирење преку матрици со различни штимови тогаш конверзијата е неизбежна.

 

[hpetrovski]

Ah yes, flat earthers во областа на музиката. Омиленото видео на темава тука.

 

[Audiofil]

View: https://www.youtube.com/watch?v=anjUPh4yYVc

 

[InSides]

Ги изгледав сите овие видеа, ама во ниедно го нема опишано процесот преку Audacity.

Чаре?

 

[sas_klar]

Прв пат слушам за ова и за Америка и за професионални оркестри... имаш некоја референца за информацијава?

Пошто прилично сигурен сум дека и американска и европска музика по Youtube, Spotify, CDња е свирена со A=440hz.
Исто и со снимки од симфониски оркестри е стандарден штим.

Затоа и те прашувам за референца на информацијата, пошто сомнителна ми е... повеќе ми изгледа дека збориш за некои експериментални исклучоци...

Информацијата ја изнесувам како професионален оркестарски музичар и зборам генерално за класична музика.

 

[Trtka]

Дали OP има пробано ДМТ и дали верува во 7ма чакра и 8ма аура ?
Мене ме интересира дали Металика се ултимате дестракшн пошто се штимаат на 445 ?
И се извинувам за спамот. Ова ми го одговори мистер Гоогле
GOD'S FREQUENCY IS 39.17 MHz: THE INVESTIGATION OF PETER POPOFF. For centuries, religious people have claimed that they have engaged in direct communications with God.

 

[Audiofil]

Ги изгледав сите овие видеа, ама во ниедно го нема опишано процесот преку Audacity.

Чаре?

Еве ти видео каде детално е опишано само што според мене потребно е само да се смени фреквенцијата без вклучување на опцијата Use high quality stretching и да се сочува фајлот додека брзината и темпото не треба да се чепкаат:

View: https://www.youtube.com/watch?v=dl6sae66oWk

 

[Vladimir Filevski]

View: https://www.youtube.com/watch?v=anjUPh4yYVc

Прво, постирање на форум (или фејсбук) линк без ниту еден збор објаснување обично се смета за... како благо да го кажам тоа... неубаво.
Второ, оние кои го читаат списанието ЕМИТЕР сигурно ја забележале мојата алергија кон сите теории на заговор, квазинауки и слични глупости и моите остри текстови насочени против нив. Затоа, предложувам да се задржиш само на техничките решенија и објаснувања за софтверското прештимување на снимки, еве гледам има некои заинтересирани за тоа (од други побуди, се надевам).

 

[FLEGMA]

Какви се овие трендови, на каде одиме стварно не знам.

Тонот А е стандардизиран на 440 Hz или како што стручно се нарекува „Темпериран систем“
Рака на срце некаде (во Франција на пример) претходно се има користено 435 и 432 „стандарди“

Е сега, дали 440 смета на чакрите, дали на некој му предизвикува тумор во мозокот, или му го нарушува видното поле (пошто лоша фреквенција, нели) тоа не знам...

Еве нека проба некој кој свири на гитара нека ја наштима на 432 па нека јави како ќе му иде понатаму.

 

[alek99]

Во оваа книга се наведени измерените фреквенции на звучните виљушки (за штимање) од тоа време - ниту една не е 432 Hz!

Од една страна - џабе си го губел времето со конверзијата, бидејќи сигурно не звучат поприродно, но од друга страна - ако тоа те прави среќен, супер!

Ако се види во табела 2 (стр.333) во спомената книга, ќе се видат различни измерени фреквенции на различни „музички инструменти„ меѓу кои ја има и фамозната фреквенција од 432 херци. Опфатен е период поголем од 500 години (13хх-18хх).
Се доаѓа до заклучок дека во тој период се творело и изведувало на различно наштимани инструменти (почнувајќи од А3хх па до А5хх). Па согласно тоа никој неможе да тврди дека А440 звучи поприродно од другите Аххх. Природното е индивидуално, а А440 е работа на договор. Така да има место за разноликост во штимањето, но не за теорија на заговор дека баш А432 е најприродна или пак дека А440 ја измислил Гебелс за незнам каква си контрола на масите.

 

[acekorg]

Информацијата ја изнесувам како професионален оркестарски музичар и зборам генерално за класична музика.

Кул, ама сепак мислам дека збориш за изолирани случаи од типот на некои оркестри со долга традиција што сакаат "тоа да го прават како што се правело пред 200 години" и уште поважно можат да си дозволат да имаат дупликат прештимани инструменти иако истите коштаат по неколку илјади евра парче (за оние што се прашуваат зошто, не е секој инструмент едноставен за прештимување ко гитара).

Цитат од Concert pitch
"Despite such confusion, A = 440 Hz is the only official standard and is widely used around the world."

Интернационален стандард по кој, пред се, се произведуваат музичките инструменти е:

ISO 16:1975

Acoustics — Standard tuning frequency (Standard musical pitch)

www.iso.org

A440 (pitch standard) - Wikipedia

en.wikipedia.org

Еве пример како звучат двете фреквенции на клавијатура:

View: https://www.youtube.com/watch?v=WW1eFShg92g

Знам друже, имам клавијатури кај што можам да го сменам тјунингот на A = која сакаш фреквенција до една децимала, исто така и темпераментот во разноразни достапни. Ако те интересира аудио снимка од нешто од ова можам да направам.
Само досега не сум наишол на ниедна причина зошто би го менувал пошто не ми звучи попријатно.... баш сеедно ми е
Дури кога имам референца од A = 440hz ова ми звучи на стар касетофон што ја врти лентата малце поспоро па е off-tune...
432Hz е иначе 31.7% кон претходниот соседен тон што е осетна разлика дека е off-tune доколку остатокот од музиката или претходната референца на слушање е 440Hz


За остатокот од темата...
Сите про аудио едитори имаат Pitch Shift опција, ама конверзија да се прави на веќе продуцирана снимка мене ми е без везе пошто алгоритамот ќе направи макар некаква штета од конверзијата а ќе се тешиш дека е попријатна за слушање пошто отвара чакри, или е изедначена со земјина незнам каква фреквенција ?! .... не знам ни колку смисла има ова со обзир што не се сите дела у A дур напишани

Треба некој да се потруди да снима песна од почеток со инструменти наштимани над А = 432Hz ама ова е премногу труд за џабе потрошен според мене.

 

[InSides]

(од други побуди, се надевам)

For science!... што би рекол еден мој драг колега.

И не, немам намера да ги конвертирам музичките материјали кои ги слушам (а и немам како), затоа што не ми е мене работа како слушател да му се мешам на авторот на музиката.

 

[Vladimir Filevski]

Ако се види во табела 2 (стр.333) во спомената книга, ќе се видат различни измерени фреквенции на различни „музички инструменти„ меѓу кои ја има и фамозната фреквенција од 432 херци. Опфатен е период поголем од 500 години (13хх-18хх).

Мало допрецизирање - во книгата се дадени: предложени стандарди, прифатени стандарди, измерени фреквенции на звучни виљушки, оргули (концертни и црковни), прифатени штимови во оперите, концертните сали, воените оркестри, потоа кај клавирите и други инструменти.
Фамозната фреквенција од 432 Hz таму се среќава само на едно место - како предложен стандард од страна на белгискиот акустичар Charles Meerens, во 1876 година (значи, „Моцарт, Бетовен и Бах“ бидејќи живееле многу пред тоа, никако не можеле да go користат штимот од 432 Hz!). Предлогот од Meerens се базирал на чиста математичка естетика (а не на Шумановата резонанса!), која тргнувала од 1 Hz како основа. Дури и во родната Белгија го нејќеле - таму армискиoт стандард во 1879 година бил 451 Hz! Во реалноста, единствената и кратокрајна употреба на штимот од 432 Hz бил од 1881 до 1885 година во Италија.

 

[alek99]

Мало допрецизирање - во книгата се дадени: предложени стандарди, прифатени стандарди, измерени фреквенции на звучни виљушки, оргули (концертни и црковни), прифатени штимови во оперите, концертните сали, воените оркестри, потоа кај клавирите и други инструменти.
Фамозната фреквенција од 432 Hz таму се среќава само на едно место - како предложен стандард од страна на белгискиот акустичар Charles Meerens, во 1876 година (значи, „Моцарт, Бетовен и Бах“ бидејќи живееле многу пред тоа, никако не можеле да go користат штимот од 432 Hz!). Предлогот од Meerens се базирал на чиста математичка естетика (а не на Шумановата резонанса!), која тргнувала од 1 Hz како основа. Дури и во родната Белгија го нејќеле - таму армискиoт стандард во 1879 година бил 451 Hz! Во реалноста, единствената и кратокрајна употреба на штимот од 432 Hz бил од 1881 до 1885 година во Италија.

За воља на вистината покрај предложениот стандард од Meerens, пронајдени се уште 4 вилушки (3 во Лондон и една во Лил), плус една репарирана органа во St. Andree, Lille, наштимани на 432Hz. Исто така A440 се споменува 11 пати, од стотици други измерени.
Па следи заклучок дека ниту еден од двата штима за кои се води полемиката не биле доминантни во последниоте 600 години од минатиот миленуми кога се творело и изведувало. Така да денес не можеме да знаеме со сигурност што сакал да каже композиторот кој можеби ја компонирал на органа наштимана на А427, а ние ја слушаме денес на А440. Плус како што спомна некој погоре дефинитивно има слушна разлика. Затоа не би се крстел ни во двата штима. Идеално би било секоја композиција да се изведува во штимот во кој е компонирана, но бидејќи тоа е невозможна мисија, останува работа на договор, а тоа е стандардот А440.

 

[acekorg]

Плус како што спомна некој погоре дефинитивно има слушна разлика.

Разлика има само ако:
1. Имаш веднаш пред тоа слушано музика во различен штим па сеуште имаш меморирано референца во глава
2. Припаѓаш во тие неколку % од светската популација со апсолутен слух (иако разлика во само неколку Hz тешко и овие да ја препознаат

Ако сега слушнеш музика, нема шанси да препознаеш на која фреквенција е А, така да апсолутно сеедно ќе ти биде.

 

[alek99]

Разлика има само ако:
1. Имаш веднаш пред тоа слушано музика во различен штим па сеуште имаш меморирано референца во глава
2. Припаѓаш во тие неколку % од светската популација со апсолутен слух (иако разлика во само неколку Hz тешко и овие да ја препознаат

Ако сега слушнеш музика, нема шанси да препознаеш на која фреквенција е А, така да апсолутно сеедно ќе ти биде.

Се сложувам дека без референца тештко ќе се примети, но завивање на касетофон се приметува, или плоча пушти ја на 32 место на 33 се приметува одма.
Бидејќи си музичар, може ли од твој аспект да ми кажеш дали во горните снимки каде има споредба на 432/440 на акустична гитара, има некоја финта во начинот на свирење, т.е дали се на некој начин намерно се fake направени, пошто навистина ми звучат подобро и послушливо на 432, како да има некои екстра попријатни за уво хармоници?
Па ме интересира дали е тоа добиено, на пример со поенергичен трзај на жиците и слично. (тука малку лупам, не ме фаќај за збор, бидејќи врска немам од свирење инструменти).