Туторијал 1. Предговор

[spiritBreaker]

Здраво на сите, со вас би сакал да споделам дел од знаењето, проблеми и решенија на кои што сум наидувал во работа со ларавел проекти. Воглавно, сите опишани работи се апликабилни на поновите верзии (5.8, 6.х и 7.х), но не гарантирам за постарите верзии (пред 5.8). Се надевам дека некому ќе му се најдат корисни овие информации или ќе разјасни некои работи кои не се доволно јасни. Сите теми воглавно се напишани со пократки објаснувања, но во интерес на времето и практичноста, ќе се потрудам да се што појасни и со што поконкретни примери. Секогаш има простор за проширување на текстовите, други примери или решенија на некои проблеми на кои што сме наишле. Реалноста е дека не сите аспекти може да се покријат, па доколку сакате, слободно можете да додадете се она што мислите дека треба да се додаде. Имињата на секоја тема ќе бидат напишани на нивната англиска верзија, со цел да бидам што е можно појасен во однос на делот кој што се објаснува а и вас да ви биде полесно да се снајдете (многу од термините ќе ги користите при развој на вашата апликација).


Потребни предзнаења: PHP OOP, релациони бази на податоци, HTML, CSS, Javascript


Забелешка: Сите примери кои што ќе бидат прикажани се работени на development (локална) работна околина.


Да започнеме